Competencia empleabilidad

Lanbide-ziurtagiri honen konpetentzia profesionalak eta enplegagarritasunerako konpetentziak honako hauek dira:
a) Mekanizazio-prozesuak zehaztea, planoetan, fabrikazio-arauetan eta katalogoetan jasotako informazio teknikoa interpretatuta.
b) Ekipo-ondasunak muntatzeko prozedurak lantzea, planoetan, fabrikazio-arauetan eta katalogoetan jasotako informazio teknikoaren interpretaziotik abiatuta.
c) Zenbakizko kontroleko makinen, roboten eta mekanizaziorako manipulagailuen programazioa eta doikuntza gainbegiratzea, kalitateari, laneko arriskuen prebentzioari eta ingurumen-babesari buruzko araudia betetzen dela ziurtatuz.
d) Fabrikazio-prozesuak ezarritako prozeduretara egokitzen direla ziurtatzea, horien garapena gainbegiratu eta kontrolatzea, eta sor daitezkeen gorabeherak konpontzea.
e) Kudeaketa-ereduak eta kalitate-sistemak, laneko arriskuen prebentziokoak eta ingurumen-babesekoak mantentzea, arauak, prozesuak eta jarraibideak betetzen direla gainbegiratuz eta ikuskatuz, eta dokumentu-erregistroa kudeatuz.
f) Lan-jardueran izandako aldaketa teknologikoen eta antolamendukoen ondoriozko lan-egoera berrietara egokitzea.
g) Bere mailari dagozkion zereginak autonomiaz eta erantzukizunez betetzea, banaka edo lantalde bateko kide gisa.
h) Eraginkortasunez komunikatzea, bere lan-esparruan esku hartzen duten pertsonen autonomia eta konpetentzia errespetatuz.
i) Beren lanbide-jardueran eragina duten pertsona guztientzako kalitate-, irisgarritasun- eta diseinu-arauak betetzea.
j) Espiritu ekintzailearekin eta ekimen pertsonalarekin jardutea lanbide-jarduerako prozedurak hautatzean edo aplikatzean.
k) Dagokion jardueraren ondoriozko eskubideak baliatzea eta betebeharrak betetzea, indarrean dagoen legerian ezarritakoaren arabera, eta bizitza ekonomikoan, sozialean eta kulturalean aktiboki parte hartuz.
Ikusi gutxiago ...